Anthony Ray Stockelman, fangi sem afplánar lífstíðardóm fyrir að nauðga og myrða tíu ára stúlku, verður væntanlega minntur á hvað hann gerði í hvert skipti sem hann lítur í spegil.

The Express rifjaði á dögunum upp hefnd sem frændi stúlkunnar náði fram gegn morðingjanum eftir að hann var handtekinn.

Anthony nauðgaði og myrti Katie Collman í Indiana í Bandaríkjunum í janúar 2005 og fékk hann lífstíðardóm án möguleika á reynslulausn árið 2006. Ekki löngu eftir að Anthony hóf afplánun dómsins réðst annar fangi að honum og húðflúraði áletrunina „KATIE’S REVENGE“ eða „HEFND KATIE“ á ennið á honum.

Í upprifjun The Express kemur fram að um hafi verið að ræða frænda Katie sem afplánaði í sama fangelsi dóm fyrir innbrot.  Frændinn, Jared Harris, var ákærður fyrir líkamsárásina og fyrir dómi kom fram að hann væri frændi Katie og vildi hefna sín á morðingja hennar.

Jared laumaðist inn í opin fangaklefa Anthony og beið eftir honum. Þegar Anthony kom inn í klefann réðst hann að honum og hélt honum niðri á meðan hann húðflúraði ennið á honum.