Breska lögreglan leitar nú þriggja barna, 7, 9 og 14 ára, sem ekkert hefur spurst til síðan þau yfirgáfu skemmtigarð í Chertsey í úthverfi Lundúna í gær.

Daily Mail segir að tilkynnt hafi verið um hvarf barnanna, Malik, Amelia og Khandi, í gærkvöldi eftir að þau skiluðu sér ekki heim. Talið er að börnin hafi ætlað inn í miðborgina eftir að það sást til þeirra yfirgefa skemmtigarðinnThorpe Park á fjórða tímanum í gærdag.

Tvö yngstu börnin, Malik og Amelia, eru tengd fjölskylduböndum.

Í tilkynningu sem lögregla sendi frá sér kemur fram að lögreglumenn séu nú við leit eftir að tilkynnt var um hvarf barnanna klukkan 19 í gærkvöldi.