Þeir segja að í raun sé ekkert rétt eða rangt svar við þessu því þetta sé mjög einstaklingsbundið.
Anju Malieckal, meltingarfæralæknir við NYU Langone sjúkrahúsið, segir að allir hafi sitt eigið hægðamynstur. Express skýrir frá þessu.
Hún segir að margir þættir geti haft áhrif á hversu oft fólk kúkar, þar á meðal eru aldur, lífsstíll, mataræði, stress, heilsufar og lyfjanotkun. Hún segir að sumir kúki daglega en aðrir annan eða þriðja hvern dag.
Jena Casper, hjúkrunarfræðingur, með meltingarfræði sem sérsvið, sem starfar hjá Mayo Clinic Health System, segir að sumir eigi erfitt með að kúka þegar þeir eru ekki heima hjá sér og skipti þá engu hvort þeir eru í vinnu, fríi eða heima hjá vinum. Hún kallar þetta „fríhægðatregðu“.
Hægðamynstrið breytist með aldrinum sem þýðir að hægðirnar eru oft lengur í ristlinum en áður og það tekur þær lengri tíma að komast í gegnum líkamann.
Christine Lee, meltingarfæralæknir við Cleveland Clinic, segir að það sé ekki ávísun á betri hægðir ef fólk fer oft á klósettið. „Þetta snýst ekki um hversu oft þú ferð á klósettið . . . Það mikilvægasta er hversu vel verkið er unnið. Ef þér líður vel með það, finnst þú hafa tæmt vel . . . og finnur ekki fyrir neinum þrýstingi eða verkjum, þá er það góðs viti,“ segir hún.
Hún segir að eðlilegar hægðir eigi venjulega að vera brúnleitar, sléttar og ekki of mjúkar eða harðar. Hún segir einnig að það að fara oft á klósettið daglega sé ekki endilega kostur, því það geti þýtt að það þurfi að hafa meira fyrir hlutunum.
