Á síðasta ári fjölgaði áskrifendum Netflix um 30 milljónir og kom greinilega ekki að sök að efnisveitan hækkaði áskriftargjaldið. Í heildina eru áskrifendurnir nú 260 milljónir og hafa aldrei verið fleiri.

Þetta kemur fram í ársuppgjöri fyrirtækisins. Hagnaðurinn var 5,4 milljarðar dollara.

Í ársuppgjörinu kemur fram að forsvarsmenn fyrirtækisins hafa mikla trú á að það geti vaxið enn frekar því fólk noti efnisveitur sífellt meira.

Hluti af skýringunni á auknum fjölda áskrifenda er að byrjað var að taka hart á þeim sem deila aðgangi sínum með öðrum. Þetta varð greinilega til þess að margir keyptu sér áskrift.