Hann er ekki svo lítill lengur, yngsti sonur fyrrum Bandaríkjaforseta, Barron Trump, en hann má með sanni kalla dekurdýr. Þetta er nokkuð sem að yngstu börnin í systkinahópum þekkja, enda eru foreldrarnir þá gjarnan búin að koma sér betur fyrir í lífinu og hafa meira á milli handanna. Líklega þó fáir foreldrar orðnir jafn auðugir og umsvifamiklir og Donald Trump var orðinn þegar Barron bættist í hópinn.

DailyExpress greinir fyrir því að dekurlíf yngsta erfingjans sé íburðarmikið. Samkvæmt nýlegum afhjúpunum notar Barron til að mynda hvorki meira né minna en rakakrem með kavíar til að halda húð sinni góðri. Hann býr í húsi þar sem má meðal annars finna keilubraut og þó hann búi tæknilega séð enn í foreldrahúsum þá hefur hann heila hæð útaf fyrir sig, og það á besta stað í New York. Þannig var það jafnvel þegar hann var krakki. Þá hafði hann þessa hæð fyrir sig og fyrir barnfóstrur sínar. Strax við fæðingu rigndi yfir hann rándýrum gjöfum frá nafntoguðum einstaklingum. Svo sem barnavagn frá rándýrum hönnunarhúsum, hringlur úr eðalmálmum og annað sem börn hafa almennt ekki mikinn áhuga á, en foreldrarnir jafnan lukkulegir með engu að síður.

Móðir hans, Melania Trump, lýsir honum sem góðu barni sem er sko engin grenjuskjóða. Hann sé rólegur og frábær.

Dekrið hélt svo áfram eftir að Barron fluttist með foreldrum sínum í Hvíta húsið þegar Donald varð forseti. Starfsmenn Hvíta hússins voru fljótir að læra hvernig ætti að gera forsetasyninum til geðs og þess var gætt að ávallt væri til nóg af snarli og öðru sem Barron kunni að meta, því ekki þýddi nokkuð að láta nokkurn af Trump-fjölskyldunni bíða.

Barron hefur þó haldið í slóvenskar rætur sínar úr móðurlegg. Hann talar slóvensku og varði miklum tíma með móðurömmu sinni á mótunarárum sínum. Hann talar líka frönsku. Árið 2015 sagðist Melania vera virk í uppeldi hans, enda drengurinn þá aðeins 9 ára og þurfti foreldri sem hann hafði greiðan aðgang að. Donald var mikið að ferðast og þá kom það í hlut Melaniu að vera til staðar fyrir soninn.

Melania hefur ávallt talað fallega til sonar síns. Hún segir hann ákveðinn, sjálfstæðan og skapandi. Hann sé með góðan smekk og myndi aldrei klæðast joggingbuxum og hafi frá blautu barnsbeini haft lítinn áhuga á barnalegum hlutum.