Þegar prestur einn í České Budějovice biskupsdæminu í Tékklandi mætti ekki til fundar við bæjarstjórann, í bænum þar sem hann gegndi prestsembætti, hafði bæjarstjórinn samband við neyðarlínuna.

Þegar viðbragðsaðilar komu á prestsetrið fundu þeir alblóðugan prestinn sem hafði þá skorið getnaðarliminn af sér. Þetta gerðist í nóvember að sögn dagblaðsins Novinka.

Blaðið segir að læknar hafi nú staðfest að presturinn hafi verið bitinn af mítli og hafi TBE-veiran borist í hann við bitið. Hún olli sýkingu í heila hans og mænu.

Talið er að veiran hafi valdið heilahimnubólgu og geðrofi sem aftur varð til þess að presturinn skar getnaðarliminn af sér.