46 ára danskur læknir hefur verið ákærður fyrir að hafa átt í nánu líkamlegu sambandi við sjúkling sinn á þriggja mánaða tímabili 2021. Maðurinn er geðlæknir og annaðist meðferð sjúklingsins.

B.T. skýrir frá þessu og segir að læknirinn sé ákærður fyrir að hafa notfært sér það að sjúklingurinn var háður honum um meðferð til að fá hana til að stunda kynlíf með sér, bæði samfarir og önnur form kynlífs.

Hin meintu brot áttu sér stað í sumarleyfisíbúð á Fjóni.

Ákæruvaldið krefst þess að læknirinn verði sviptur læknaleyfi tímabundið. Málið verður tekið fyrir hjá undirrétti í Óðinsvéum síðar í mánuðinum.