Fólk tekur sér eflaust ýmislegt fyrir hendur þegar það nýtur þess að fara í góða sturtu. Eitt er það sem margir gera að sögn í sturtu, svona annað en að þvo sér, og það er að þeir pissa! Þetta er að sögn mun algengara en fólk heldur og sumir hafa gengið svo langt að segja þetta umhverfisvænt því með þessu sparist vatn sem annars færi í að sturta niður úr klósettinu.

Ef þú ert meðal þeirra sem pissa í sturtu þá er rétt að hætta því þar sem þetta getur valdið ákveðnum vanda síðar.

Teresa Irwin, kvensjúkdómalæknir, segir að fólk eigi ekki að venja sig á að pissa í sturtu því það geti haft áhrif á hversu margar salernisferðirnar verða daglega.

Hún segir að það hafi ekki endilega neikvæð áhrif að pissa í sturtu, sérstaklega ekki fyrir konur, en þetta geti orðið slæmt ef þetta er gert of oft.

Í myndbandi, sem hún birti á TikTok, segir hún að konur geti í raun haft gagn af því að pissa í sturtu ef þær gera það sjaldan og standi uppréttar á meðan. Þannig geti þær tæmt blöðruna alveg þar sem engin hindrun sé í vegi vegna hreyfingarinnar við að setjast niður.

En ef fólk gerir þetta of oft þá á það á hættu að heilinn fari að tengja vatnsnið við þörfina á pissa og það þýðir einfaldlega að í hvert sinn sem þú skrúfar frá krana, meira að segja bara til að þvo upp, þá finnir þú fyrir bráðri þörf á að fara á klósettið.