Forseti Rússlands, Vladimir Pútín, mun vera orðinn svo vænisjúkur eftir að hann fyrirskipaði innrásina í Úkraínu að hann treystir nánast engum og óttast stöðugt um líf sitt. Mun hann vera sannfærður um að banatilræði sé í vændum og hefur gripið til ýmsa ráðstafanna til að tryggja öryggi sitt.
Frá þessi greinir Vitaly Brizhatiy sem starfaði sem við öryggisþjónustu Rússlands, en hann gætti hunda sem starfræktir eru á því sviði. Hann segir að Pútín sé búinn að bæta heldur betur við öryggisráðstafanir í leynilegri höll sinni á Krímskaganum sem nefnist Olivye, frá því að innrásin hófst.
Brizhaty er sem stendur í Ekvador eftir að hafa sagt starfi sínu lausu, en hann kom fram í viðtali á rússnesku sjónvarpsstöðinni TV Rain og hélt því þar fram að forsetinn treysti ekki einu sinni sínu eigin öryggisteymi og stundi það nú að vísvitandi gefa þeim rangar upplýsingar um áætlanir sínar.
„Fólki var sagt að hann væri að hvíla sig í frístundahúsinu sínu, og allir hlupu þá til svo hægt væri að gæta að öryggi hans, en þá var forsetinn kannski bara á allt öðrum stað. Þetta mikið óttast hann um líf sitt. Jafnvel þurfa lífverðir hans að sjá um þvottavélina hans.“
Pútín hafi gengið svo langt að láta vopnaða kafara tryggja það að enginn leynist í sjónum við einkastrandir forsetans. Varðandi leynilegu höllina Olivye segir Brizhaty að hún minni helst á litla bor og sökum öryggisráðstafana þá sé óbreyttum verktökum ekki hleypt inn á svæðið. „Þetta er ævintýrahöll“
Annar fyrrum starfsmaður öryggisþjónustunnar, Gleb Karakulov, deildi svipaðri frásögn í apríl á þessu ári og sagði forsetann hafa misst tengingu við umheiminn.
„Hann hefur búið í helli undanfarin ár og eyðir nærri öllum sínum frítíma í einhverju heimila sinna sem fjölmiðlar hafa réttilega lýst sem byrgjum. Hann er sjúklega hræddur um líf sitt. Hann umkringir sig af órjúfanlegum varnargarði af einangrun og upplýsinga tómarúmi. Hann leggur aðeins virði á sitt eigið líf sem og líf fjölskyldu hans og vina. Hann hefur lokað sig af frá heiminum. Tök hans á raunveruleikanum eru bjöguð.“
