Sky News segir að markmiðið með þessu verkefni sé að rannsaka svæði djúpt undir yfirborði jarðarinnar.
11.100 metra djúp á holan að verða. Þetta er auðvitað ansi djúp hola en nær þó ekki metinu sem dýpsta manngerða holan. Hún er 12.262 metra djúp og er í Rússlandi, nærri norsku landamærunum. Hún var boruð 1979.
Sun Jinsheng, fræðimaður hjá kínversku verkfræðiakademíunni, sagði að það megi líkja verkefninu við það að aka stórum trukk eftir tveimur mjóum stálköplum, svo erfitt sé það.
Mikinn tækjabúnað þarf við verkið og vega sumir hlutar hans rúmlega 2.000 tonn.
