Margir ökumenn hafa tilhneigingu til að nota kúplinguna sem hluta af bremsutækni sinni en það er ekki snjallt því það getur kostað dýrmæta metra þegar hemlunarvegalengdin skiptir miklu máli.
Þetta kemur fram á heimasíðu Bo´s Trafikskole þar sem segir að í stað þess að stíga á kúplinguna þegar stigið er á bremsuna, skipti öllu að einblína á að láta vélina hægja á sér að ákveðnu marki og forðast að stíga á kúplinguna í upphafi.
Ef þú lendir í neyðaraðstæðum og verður að nauðhemla, missir þú heila sekúndu ef þú stígur fyrst á kúplinguna og síðan á bremsuna.
Ef tekið er sem dæmi að þú akir á 80 km/klst þá ferðu 22 metra á sekúndu. Ef þú notar þessa sekúndu til að stíga á kúplinguna í staðinn fyrir bremsuna, þá ertu búin(n) að „sóa“ 22 metrum. Þetta getur haft banvænar afleiðingar.
Það er því rétt að hafa í huga að þegar kemur að umferðaröryggi skiptir hver sekúnda máli og það sama á við um hvern metra.
Með því að einbeita sér að bremsunni og forðast að kúpla í upphafi hemlunar, getur þú brugðist hraðar við í neyðarvikum og hugsanlega bjargað bæði eigin lífi og annarra.