Ástæðan er að það gerir þér ekki neitt gott að taka farsímann með inn í svefnherbergið og réttast væri að gera það að bannsvæði fyrir farsíma.
Það er ekki ósennilegt að hann hafi slæm áhrif á nætursvefn þinn og þess utan getur kviknað í honum, það eru þó ekki miklar líkur á því.
Ef þú ert ein(n) þeirra sem notar símann sem vekjaraklukku þá ættirðu kannski að hugsa út í hversu mikið hann getur truflað nætursvefn þinn. Stærsta vandamálið við að nota símann sem vekjaraklukku er að hann er innan seilingar. Þú upplifir kannski stundum að nú notar hann ekki bara sem vekjaraklukku því þú lest smsið sem kom seint að kvöldi. Ef þú gerir það þá færðu töluverða birtu í augun og það blekkir heilann sem heldur þá að það sé kominn tími til að fara á fætur.
Þess utan verður þú meðvituð/meðvitaður um hversu stutt er í að þú þarft að fara á fætur. Þetta virkjar taugakerfið og heilann þannig að það verður erfiðara fyrir þig að sofna á ný. Þú þekkir eflaust hversu stressandi það getur verið að telja klukkustundir og mínútur þar til þú þarft að fara á fætur.
Þegar þú leggur símann frá þér og ferð að sofa þá er ekki óvarlegt að ætla að þú setjir hann í hleðslu. Rannsóknir hafa sýnt að 53% barna og fullorðinna láta símann vera í rúminu eða undir koddanum á meðan hann er hlaðinn. Þetta getur verið hættulegt því hleðslan getur myndað hita og ef síminn liggur í rúminu kemst hitinn ekki frá honum og í verstu tilfellum getur eldur kviknað.