Þetta er niðurstaða nýrrar rannsóknar sem var birt í vísindaritinu Cortex í mars. Í henni kemur fram að hugsanlega séu tengsl á milli langvarandi COVID og erfiðleika við að bera kennsl á andlit.
Enn er ekki vitað hvort annað fólk en það sem tók þátt í rannsókninni hafi þróað þetta einkenni með sér eftir að hafa veikst af COVID.
Skýrt er frá máli Annie, sem veiktist af COVID í mars 2020. Þegar hún hitti fjölskyldu sína í júní sama ár, í fyrsta sinn eftir að hún veiktist, þekkti hún ekki andlit föður síns. Hún starfaði í hlutastarfi við að mála portrett myndir og áttaði sig á að hún gat ekki lengur munað eftir andlitum og varð því að treysta stöðugt á ljósmyndir þegar hún var að mála.
Hún átti einnig í erfiðleikum með að rata á kunnuglegum stöðum eins og í matvöruversluninni sem hún verslaði oft í. Það að eiga erfitt með að rata getur verið fylgikvilli andlitsblindu.