Óhugnanleg og sérkennileg ráðgáta heldur nú vöku fyrir rannsóknarlögreglumönnum í Oregon í Bandaríkjunum. Þar hafa á stuttu tímabili fundust lík sex ungra kvenna í skóglendi nálægt borginni Portland.
Ekkert hefur komið fram sem tengir konurnar saman, annað en það að þær eru allar ungar, allar með tengsl við Oregon og lík þeirra allra hafa fundist nokkurn veginn á sama svæðinu.
Líkin hafa fundist á tímabilinu 19. febrúar til 7. maí. Sú fyrsta var Kristin Smith, 22 ára gömul, en hennar hafði verið saknað síðan 22. desember. Lík hennar fannst í skóglendi í Pleasant Valley þann 19. febrúar. Enn hefur ekki verið kveðið upp úr um dánarorsök hennar.
Næsta lík fannst þann 8. apríl, inni í hlöðu í Clark-sýslu. Konan hét JoAnna Speaks og var 32 ára gömul. Hlaðan var á yfirgefinni landareign í um 30 km fjarlægð frá Portland. Álitið er að konunni hafi verið ráðinn bani en hún hlaut þung högg á höfuð og háls.
Þann 22. apríl fannst líkið af Charity Lynn Perry, 24 ára gamalli, í holræsi í Multnomah-sýslu. Dauðdagi hennar er álitinn vera grunsamlegur.
Þann sama dag fannst lík af annarri konu sem ekki hafa verið borin kennsl á. Fannst lík hennar í 5 km fjarlægð frá líkinu af Kristin Smith, konunar sem fannst þann 19. febrúar. Konan er talin af ættum frumbyggja, á aldrinum 25 til 40 ára. Hún er svarthærð, smágerð,með tvö áberandi húðflúr og með tvö ör á vinstri kálfa.
Sú fimmta í röðinni heitir Brigdet Leann Ramsey Webster, 31 árs gömul. Hún fannst þann 30. apríl við Harmony Road í Polk-sýslu. Dauðdagi hennar þykir grunsamlegur.
Sjötta líkið fannst 7. maí. Það er af Ashley Real, sem var 22 ára gömul. Ashley hvarf þann 27. mars og sást síðast til hennar þar sem hún gekk í burtu frá skyndibitastað í Portland. Fiskveiðimaður fann líkið af Ashley í þéttum skógi í Eagle Creek. Dauðdagi hennar er talinn var grunsamlegur.
Flestum spurningum er enn ósvarað í rannsókninni. Enginn veit hver eða hverjir myrtu konurnar eða með hvaða hætti lát þeirra tengjast.
Heimild: The Sun