Talið er að barnið, sem var þriggja ára stúlka að nafni Emma Grace Cole, hafi látist mörgum vikum áður en líkamsleifar hennar fundust. Þær voru svo illa farnar að lögreglan þurfti að láta gera tölvumynd af stúlkunni þegar reynt var að bera kennsl á hana.
Þetta reyndist vera lík Emma sem hafði búið með fjölskyldu sinni nærri íþróttavellinum.
Ári eftir að líkamsleifarnar fundust voru móðir hennar og stjúpfaðir handtekin, grunuð um að hafa orðið henni að bana. Í síðustu viku játaði móðir hennar, hin 31 árs Kristie Haas, að hafa orðið dóttur sinni að bana.
Hún játaði einnig ósæmilega meðferð á líki og að hafa þrisvar sinnum stefnt velferð og heilsu barns í hættu.
Haas á þrjú önnur börn og vilja saksóknarar að hún verði svipt réttinum til að umgangast þau. Segja þeir að hún og maður hennar, Brandon Haas, hafi neitað Emmu um mat og læknisaðstoð og hafi „pyntað hana eða misþyrmt“.
Telja saksóknarar einnig að þau hafi látið börnin hreyfa sig allt of mikið og beitt þau óviðeigandi líkamlegum refsingum.
„Það sem hin kærða gerði dóttur sinni er viðbjóðslegt og nú ljúkum við flóknu og skelfilegu máli,“ sagði Kethy Jennings, saksóknari, í kjölfar játningar Haas. Réttarhöld yfir henni hefjast 10. júlí og á hún allt að 50 ára fangelsi yfir höfði sér.