Þau höfðu fengið ljósmyndarann Darren Hatt til að sjá um myndatökuna á þessum stóra degi. En hvorki þau né Hatt óraði fyrir að hann myndi taka myndir þennan dag sem myndu birtast í fjölmiðlum víða um heim.
Myndatakan af brúðhjónunum fór fram í stórum garði. Þar komu brúðhjónin auga á hóp lítilla barna sem voru að leik.
Clayton sá að þau voru að leika sér við vatnið í garðinum og fékk strax slæma tilfinningu.
Þegar komið var að því að taka myndir af Brittany einni fannst henni sem Clayton væri öðruvísi en hann átti að sér. Þegar hún sneri síðan við til að kíkja á hann, sá hún hann ekki, hann var horfinn.
Skömmu síðar sá hún hann síðan birtast skyndilega upp úr vatninu og veifa handleggjunum. Hún hélt í fyrstu að hann væri að grínast en það var alls ekki þannig, grafalvarleg staða hafði komið upp. Hann hafði bjargað litlum dreng frá drukknun.
Kanadíska sjónvarpsstöðin Global News segir að Clayton hafi horft á börnin með myndir voru teknar af Brittany. „Ég sá bara tvö börn en þau áttu að vera þrjú. Ég hugsaði með mér að ég ætti að kanna þetta til að ganga úr skugga um að allt væri í lagi og já, þegar ég kom að vatninu sá ég að þriðja barnið var í því og barðist við að halda sér á floti,“ sagði hann.
Hann flýtti sér út í og náði barninu, dreng, og kom honum á þurrt.
Hann sagði að annað hinna barnanna hafi játað að hafa óvart ýtt við drengnum með þeim afleiðingum að hann datt út í.
„Það er eins og þetta hafi verið örlögin, að honum hafi verið ætlað að vera þarna,“ sagði Brittany í samtali við CTV.