Enn er ekki vitað hvort og þá hvernig er hægt að lækna Alzheimers en vísindamenn eru sífellt að öðlast betri þekkingu á sjúkdómnum og hvað eykur hættuna á honum eða dregur úr henni. Einn af þessum áhættuþáttum virðist vera mataræðið sem við erum orðin vön hér á Vesturlöndum.

Ný yfirferð á 38 fyrri rannsóknum frá síðustu fimm árum leiddi í ljós að vestrænt mataræði er áhættuþáttur hvað varðar að þróa Alzheimers með sér.

Á hinn bóginn virðast Miðjarðarhafsmataræðið svokallaða, ketómataræði og fæðubótarefni með omega-3 fitusýrum veita vernd gegn sjúkdómnum en þó aðeins mildum til miðlungsalvarlegum tilfellum.

Science Alert segir að kínverskir vísindamenn telji að breytt mataræði geti verið ein leið til að draga úr líkunum á að fólk þrói Alzheimer með sér sem og aðra elliglapa sjúkdóma.

Rannsókn þeirra hefur verið birt í Frontiers in Neuroscience.