Mannkynið hefur notað sítrónur í mörg þúsund ár vegna margvíslegra kosta þeirra. Fornegyptar notuðu þær til dæmis sem hitalækkandi lyf og þær voru notaðar til að fæla flugur frá mat á tímum Rómarveldis og Grikklands til forna.

Það að drekka volgt sítrónuvatn er orðið vinsælt meðal margra enda fylgir því margvíslegur ávinningur.

Sýran í sítrónum hefur meðal annars þau jákvæðu áhrif að hún vinnur gegn krabbameini og getur gert æxli minni. Þetta gerist vegna flavoníða og límoníða sem eru í henni.

Sítrónur innihalda mikið af C– og A-vítamíni, járn, fólat og efnum sem auka virkni vítamínanna. Ein sítróna inniheldur um tvo þriðju hluta af ráðlögðum dagsskammti af C-vítamíni.

Rannsóknir hafa sýnt að sítrónubörkurinn getur lækkað blóðfitumagnið því hann inniheldur jurtaslím. Það er hægt að rífa börkinn og nota í salat eða út í jógúrt.

Sítrónur koma að góðu gagni við að halda blóðsykurmagninu í jafnvægi. Súrir ávextir, eins og sítrónur eru, gera að verkum að maginn tæmist hægar en það tryggir jafnvægi í blóðsykrinum.

Sítrónur örva ensímframleiðslu sem hefur aðallega að markmiði að hámarka virkni nýrnanna. Þess utan er sagt að sítrónur vinni gegn nýrnasteinum og gigt.