Mirror segir að Clifford hafi farið í veikindaleyfi 2008 og hafi ekki snúið aftur til vinnu síðan. Hann fær rúmlega 54.000 pund í árslaun, það svarar til um 9 milljóna íslenskra króna, og hefur fengið sömu upphæðina síðan 2008.
Samkvæmt reglum IBM þá fær hann rúmlega 54.000 pund í árslaun og mun fá þar til hann verður 65 ára.
Þetta telur Clifford ekki nægilega mikið og sagði í stefnu sinni að ráðstöfunartekjur hans muni lækka með tímanum vegna verðbólguþróunar.
Úrskurðarnefndin féllst ekki á rök hans og sagði hann fengi „mjög góðar bætur“ og „góða meðferð“.
Clifford hóf störf hjá Lotus Development árið 2000. IBM keypti fyrirtækið síðan og fylgdi hann með því yfir til IBM.
Eins og áður kom fram þá fór hann í veikindaleyfi 2008 þegar hann var hálffertugur. Í apríl 2013 gerði hann samning við IBM um fyrrgreindar launagreiðslur þar til hann verður 65 ára.
Samkvæmt heilbrigðisstefnu IBM þá eru starfsmenn, sem geta ekki unnið, ekki reknir, eru áfram starfsmenn en ber ekki skylda til að vinna.