Síminn var tengdur við rafmagn þegar þetta gerðist og því barst rafstraumur um vatnið og varð henni að bana.
Daily Mail segir að þessi hörmulegi atburður hafi átt sér stað þegar foreldrar hennar voru að heiman.
Það var vinkona hennar, sem var að tala við hana þegar slysið varð, sem hringdi í neyðarlínuna og tilkynnti að eitthvað mikið væri líklega að. Maria var úrskurðuð látin þegar viðbragðsaðilar komu á vettvang.
Lögreglan vinnur nú að rannsókn málsins og bíður niðurstöðu krufningar.
Þetta var ekki í fyrsta sinn sem slys af þessu tagi átti sér stað. Til dæmis missti 15 ára stúlka símann sinn, sem var í hleðslu, í baðkar á heimili sínu í Frakklandi árið 2020.
Það sama gerðist í Amsterdam 2019 þegar 13 ára stúlka missti símann sinn ofan í baðkarið. Sem betur fer var snarráð móðir hennar heima og heyrði hana öskra. Hún náði hún stúlkunni upp úr og hringdi í neyðarlínuna. Viðbragðsaðilum tókst að endurlífga hana og var hún útskrifuð af sjúkrahúsi eftir tvo daga. Hún varð fyrir minnistapi og mundi ekki eftir að hafa farið í bað og hvað þá að hafa misst símann ofan í baðkarið.