Þegar hann keypti miðilinn fyrir 44 milljarða dollara í nóvember átti hann líklega ekki von á að markaðsverðmæti hans myndi lækka um helming á aðeins fimm mánuðum. En eftir því sem The Information segir þá er þetta raunin miðað við nýtt verðmat Musk sjálfs.
Miðillinn segir að í tölvupósti til starfsmanna Twitter hafi Musk boðið þeim að kaupa hlutabréf í fyrirtækinu á verði sem þýði að heildarverðmæti þess sé um 20 milljarðar dollara.
Þetta verðmat má væntanlega rekja til þeirra ringulreiðar sem hefur ríkt hjá Twitter í kjölfar kaupa Musk á fyrirtækinu. Óvissa, umdeildar ákvarðanir og fjárhagsvandamál hafa sett mark sitt á síðustu mánuði,
Musk hefur rekið fjölda starfsmanna og margir þeirra bíða enn eftir að fá laun greidd. Fyrirtækið hefur einnig verið sakað um að greiða ekki húsaleigu.
