Talsmaður líbanska Libyan National Army (LNA) sagði í síðustu viku að liðsmenn hópsins hefðu fundið tunnur, með úrani, sem hurfu í suðurhluta landsins. Hann sagði að þær hefðu fundist um 5 km frá þeim stað þar sem þær voru upphaflega geymdar.

Um 18 tunnur er að ræða og innihalda þær náttúrulegt úran að sögn talsmannsins. Alþjóðakjarnorkumálastofnunin sagði að um 10 tunnur væri að ræða sem væri saknað.

CNN segir að tunnurnar hafi verið geymdar í vörugeymslu sem verðir hafi gætt. Þeir hafi hins vegar verið staðsettir svolítið frá geymslunni vegna hugsanlegrar geislavirkni. Gat, á stærð við tunnu, var gert á vegg vörugeymslunnar og tunnurnar fluttar út um það.

Alþjóðakjarnorkumálastofnunin sagði að „lítil geislunarhætta stafi af tunnunum en það þurfi að meðhöndla þær af varúð“.