Þetta kemur fram í sænska fréttaþættinum Uppdrag gränskning sem er framleiddur af Sænska ríkissjónvarpinu SVT.
„Hvað er að gerast í lífi mínu? Ég er faðir barns sem fæddist átta mánuðum á undan dóttur minni
Bengt skilaði inn sæði til frjósemisrannsóknar á níunda áratugnum því hann og eiginkona hans áttu í erfiðleikum með að eignast barn. 31 ári síðar komst hann að því að sæðið hafði verið gefið áfram til konu sem vildi verða barnshafandi.
Það var eins og sprengju hefði verið varpað inn í líf hans þegar hann frétti þetta.
Skyndilega átti hann dóttur sem heitir Rebecka Kristoffersson. Hún varð til með sæði sem var ekki látið té af fúsum og frjálsum vilja.
„Sæðið mitt var sem sagt notað áður en ég fékk tækifæri til að verða faðir.“
„Ég veit að hvorki konan né barnið eiga nokkra sök á þessu. En þetta veldur áhyggjum. Eiga þau foreldra, fengu þau gott uppeldi?“ sagði hann.
Málið má rekja til Halmstad sjúkrahússins í Svíþjóð á árunum 19985 til 1996.
Eftir því sem kemur fram í þættinum þá liggur slóðin til læknis sem starfaði við sjúkrahúsið en hann er nú látinn.
Bengt er ekki eini maðurinn sem er í þessari stöðu.
Með því að nota DNA-rannsóknir og ættrakningar fundu fréttamenn fleiri menn sem eru í sömu stöðu og Bengt.
Í þættinum er meðal annars sagt frá þremur systkinum sem eiga ekki sama föður en feður allra vissu ekki að sæði þeirra hefði verið notað. Sjúkrahúsið segir að um 35 börn hafi fæðst á árunum 1986 til 1996 með aðstoð tæknifrjóvgunar. Læknirinn sagði sjálfur í blaðagrein að hann hafi unnið við frjóvganir sem hafi skilað um 15 börnum. Hann tengist því væntanlega tilurð um 50 barna. Eins og staðan er núna er búið að sanna að fimm börn hafi fæðst eftir að sæði var notað í leyfisleysi.