„Þú verður að vakna, því þetta er eins og að nauðga líki.“ Þetta er 25 ára maður sagður hafa sagt ítrekað við konu nótt eina í desember 2021 í íbúð í Vanløse í Danmörku.

Samkvæmt ákæru nauðgaði maðurinn konunni sem átti erfitt með að halda sér vakandi. B.T. skýrir frá þessu.

Verjandi mannsins segir að hann neiti sök.

Í ákærunni kemur fram að maðurinn hafi án samþykkis konunnar og á meðan hún svaf meðal annars sett fingur inn í leggöng hennar. Síðan hafi hann afklæðst og lagst ofan á hana. Síðan tók hann um hendur hennar og hafði samfarir við hana í leggöng á meðan hann spurði hana ítrekað „ertu vakandi?“.

Þetta gerði hann þrátt fyrir að konan reyndi að snúa líkama sínum frá honum og klemma læri sín saman.