TV2 kannaði málið og setti sig í samband við 201 konu sem höfðu notað markaðstorg Facebook. Af þeim sögðust 129 hafa fengið óviðeigandi skilaboð eftir að þær birtu auglýsingu á markaðstorginu.
„Ég borga þér 2.000. Síðasta boð er 4.000 fyrir að fá að sleikja súrar tærnar þínar hreinar. Við getum haft það huggulegt saman. Ég elska að sleikja píku,“ sagði í einum skilaboðunum sem ein konan fékk.
„Hæ, ég er 27 ára undirgefin maður sem borga fyrir notaða sokka drottnandi kvenna. Ég vildi spyrja hvort ég geti keypt notaða sokka af þér? Borga 200 fyrir parið,“ voru skilaboð sem önnur fékk.
En fyrir sumar var þetta ekki takmarkað við áreiti og myndsendingar. Sumar hafa fengið símhringingar og óttast að mennirnir myndu leita þær uppi. Ein kvennanna sagðist hafa auglýst peysu til sölu og ekki hafi liðið margar klukkustundir þar til hún fékk fyrstu skilaboðin. „Þau snerust ekki um fatnað. Þeir, sem skrifuðu, vildu eitthvað allt annað,“ sagði hún.
Einn mannanna gekk mjög skipulega til verks og skrifaði að hann vildi kaupa peysuna fyrir kærustuna sína. Honum virtist vera alvara að mati konunnar sem lét honum því símanúmerið sitt í té svo hann gæti millifært peninga yfir á reikninginn hennar. En daginn eftir fékk hún mjög óviðeigandi skilaboð frá manninum eftir að þau höfðu samið um að kærastan hans gæti sótt peysuna: „Fullkomið! Þá nær hún að totta mig vel áður en hún sækir hana hjá þér.“
