Madison hélt því fram á samfélagsmiðlum að hún glímdi við alvarleg veikindi, þar á meðal krabbamein í brisi, hvítblæði og þá væri hún með æxli á stæð við fótbolta í bakinu.
Russo birti myndbönd af raunum sínum á TikTok og skrifaði færslur á Facebook og LinkedIn auk þess sem hún stofnaði söfnunarsíðu á GoFundMe. Yfir 400 manns lögðu inn á hana peninga, samtals rúmar fimm milljónir króna.
En allt var þetta uppspuni frá rótum og Russo er alls ekkert veik. Upp komst um svikin þegar heilbrigðisstarfsfólk kom auga á misræmi í frásögnum hennar. Lögregla var látin vita og fékk hún aðgang að sjúkraskrá hennar sem sýndi að hún hafði aldrei fengið neina meðferð við krabbameini.
Russo var dæmd í tíu ára skilorðsbundið fangelsi og þá þarf hún að greiða 39 þúsund Bandaríkjadali, 5,4 milljónir króna í bætur og um 200 þúsund krónur í sekt.
„Það hafa margir velt fyrir sér hvers vegna ég gerði þetta. Ég gerði þetta ekki vegna peninga eða vegna græðgi. Ég gerði þetta ekki fyrir athyglina. Ég gerði þetta til að halda fjölskyldu minni saman,“ sagði Russo þegar dómur í málinu var kveðinn upp.
