30  hnoð á brjóstkassann og tveir blástrar, munn við munn. Þetta er það sem á að gera ef beita skyndihjálp á einhvern sem er í hjartastoppi. En svo ótrúlegt sem það kann nú að hljóma þá eru minni líkur á að fólk veiti konum slíka lífsbjargandi skyndihjálp en körlum.

Þetta eru niðurstöður nýrrar rannsóknar að sögn European Society for Emergency Medicine sem sendi frá sér fréttatilkynningu um málið. Rannsóknin hefur ekki verið ritrýnd.

Hópur kanadískra vísindamanna vildi öðlast skilning á hvor það sé munur á þeirri skyndihjálp sem fólk veitir körlum og konum sem detta niður af völdum hjartaáfalls.

Þegar manneskja er meðvitundarlaus og andar ekki ættu viðstaddir að hringja í neyðarnúmer og beita hjartahnoði. Með þessu aukast líkurnar á að sjúklingurinn lifi af og jafni sig er haft eftir Sylvie Cossette, hjá Montreal Heart Institute, í fréttatilkynningunni.

Vísindamenn fóru yfir sjúkraskýrslur í Bandaríkjunum og Kanada, varðandi hjartastopp sem áttu sér stað utan sjúkrahúsa á árunum 2005 til 2015.

Meðalaldur sjúklinganna var 67 ár og þeir voru 39.391 samtals. Af þeim fengu 54% hjartahnoð frá nærstöddu fólki.

En þegar kynjaskiptingin var skoðuð kom í ljós að aðeins 61% kvenna fengu hjartahnoð frá nærstöddum en hjá körlunum var hlutfallið 68%. Engu máli skipti hvaða aldurshóp var um að ræða, hlutfallið var hið sama.

Alexis Cournoyer, bráðalæknir, sagði vísindamennirnir viti ekki en hvað veldur þessum mun á milli kynjanna. Hugsanlega sé fólk hrætt við að það geti skaðað konu eða telji ólíklegra að kona fái hjartastopp.