Bresk móðir, Ramandeep Kaur Mann, hefur verið dæmd til dauða í Indlandi, ásamt elskhuga sínum, fyrir að myrða eiginmann sinn Sukhjit Singh árið 2016. Hjónin voru í fríi í Indlandi þegar Mann tók til bragðs að setja svefnlyf í karrýrétt sem hún eldaði handa eiginmanninum í kvöldmat. Þegar matargestir voru sofnaðir eða orðnir meðvitundarlitlir þá hleypti Mann elskhuga sínum, Gurpreet Singh, inn í húsið. Slógu þau eiginmanninn í höfuðið með hamri og skáru hann síðan á háls.
Eina vitnið í málinu var sonur hjónanna, sem þá var níu ára gamall, en hann vaknaði um það leyti sem ódæðið átti sér stað og bar vitni gegn móður sinni og Gurpreet í réttarhöldunum.
Í þeim kom í ljós að elskendurnir ætluðu sér að komast yfir mörg hundruð milljón króna líftryggingu eiginmannsins.
Parið hefur þegar áfrýjað dómnum en verði hann staðfestur þá mega þau búast við því að verða hengd.
