Áströlsk yfirvöld hafa sektað samfélagsmiðilinn X um sem svarar til um 55 milljóna íslenskra króna fyrir að hafa ekki upplýst hvernig miðillinn berst gegn barnaníðsefni. Þetta er enn eitt áfallið fyrir Elon Musk og samfélagsmiðilinn X, sem er í hans eigu.

Nokkrum dögum áður en áströlsk yfirvöld tilkynntu um sektina hóf framkvæmdastjórn Evrópusambandsins rannsókn á starfsemi X eftir að hafa áður varað fyrirtækið við röngum upplýsingum og ólöglegu, tengdu átökum Hamas og Ísraels, á miðlinum.

Í tilkynningu frá áströlskum yfirvöldum segir að X hafi ekki svarað fjölda spurninga sem lagðar voru fyrir miðilinn varðandi hvernig tekist á við barnaníðsefni. Eru fyrirsvarsmenn X sagðir hafa sleppt þí að svara sumum spurningum og svarað öðrum á ófullnægjandi hátt.

Segja áströlsk yfirvöld að X hafi lýst því yfir opinberlega að baráttan gegn barnaníði sé forgangsverkefni hjá miðlinum en aðgerðir þurfi að fylgja orðum.