Það er til dæmis hægt að nota þær til að ná stjórn á snúruflækjum. Snúrur eiga það til að flækjast ótrúlega saman og skiptir þá engu hversu mikla vinnu þú leggur í að koma í veg fyrir að þær geri það. Ef þú setur hverja snúru í klósettrúllu losnar þú við þetta vandamál. Til að gera þetta enn fagmannlegra getur þú skrifað á hverja rúllu hvaða leiðsla er í henni og þá verður mun auðveldara að glíma við snúrurnar í framtíðinni.
Það er líka hægt að nota þær til að búa til gjafaöskjur. Það þarf bara að pressa rúllurnar þangað til þær verða alveg flatar og síðan brjóta upp á endana. Bættu síðan gjafabandi við og þú ert komin(n) með flotta gjafaöskju.
Það er hægt að nota þær til að láta fræ spíra. Með þessu er hægt að sleppa því að kaupa sérstaka bakka fyrir sáningu.
Klósettrúllur eru tilvaldar til að geyma gjafapappír í. Hann á það til að vilja rúllast út en ef þú stingur rúllunni inn í klósettrúllu þá gerist það ekki.
Vantar þig hátalara? Með því að gera aflangan skurð í klósettrúllu og setja farsíma í hann, þá ertu kominn með hátalara sem getur magnað stemmninguna.
Svo er auðvitað hægt að búa til pennastatíf úr klósettrúllum og ekki skemmir fyrir að það er hægt að skreyta þau með litum. Það er bara hugmyndaflugið sem setur þér takmörk í þeim efnum. Idenyt skýrði frá þessu.