fbpx
Laugardagur 28.janúar 2023
Pressan

Tæplega 50 ára mál loksins leyst – Hún var beitt óhugnanlegu ofbeldi

Kristján Kristjánsson
Laugardaginn 21. janúar 2023 22:00

Jacqui var myrt á hrottlegan hátt.

Ekki missa af Helstu tíðindum dagsins í pósthólfið þitt

Lesa nánar

Það var hryllileg sjón sem mætti þeim í stofunni. Eins og tekið út úr hryllingsmynd. Á gólfinu lá unglingsstúlka. Henni hafði verið nauðgað og síðan stungin í bakið, bringuna og kynfærin. Hún hafði síðan verið kyrkt.

Hún hét Jacquelin „Jacqui“ Montgomery og var aðeins 15 ára. Morðið skók samfélagið í Islington í norðurhluta Lundúna. Þetta var árið 1975.

Nú, tæplega hálfri öld síðar, hefur málið loksins verið leyst og dómur er fallinn í því.

BBC og Sky News segja að Dennis McGrory hafi verið fundinn sekur um að hafa beitt Jacqui hrottalegu ofbeldi og myrt hana.

Grunur lögreglunnar beindist að McGrory á sínum tíma og hann var ákærður fyrir níðingsverkið.  En dómstóll komst að þeirri niðurstöðu að ekki væru nægar sannanir til að hægt væri að sakfella hann og því var hann sýknaður.

Hann gekk því laus í tæpa hálfa öld eða þar til systir Jacqui fór fram á að ný DNA-rannsókn yrði gerð með tækni sem var ekki til árið 1975.

Niðurstaðan var að lífsýni, sem fundust á líkinu, reyndust vera úr McGrory sem er nú 75 ára.

McGrory var fundinn sekur um morðið.

 

 

 

 

 

 

 

 

 

 

Hann var ákærður á nýjan leik og nú var hann fundinn sekur um að hafa beitt Jacqui hrottalegu ofbeldi og að hafa myrt hana.

Dómarinn sagði að McGrory hafi verið „brjálaður af reiði“ þegar hann myrti Jacqui en hann hafði komið heim til hennar þegar hann var að reyna að finna frænku hennar, Josie Montgomery, sem var fyrrum unnusta hans.

Saksóknari sagði að McGrory hefði áður hótað að nauðga Jacqui og að á þessu júníkvöldi 1975 hefði hann gert alvöru úr hótunum sínum.

Dómarinn sagði að hann hafi haft „óendurgoldinn kynferðislegan áhuga“ á Jacqui.

McGrory hefur ávallt neitað sök.

Hann var dæmdur í  25 ára og 126 daga fangelsi hið minnsta.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Í gær

Ákærð fyrir að nauðga nemanda sínum – Óttaðist að fá slæmar einkunnir ef hann gerði ekki eins og hún sagði

Ákærð fyrir að nauðga nemanda sínum – Óttaðist að fá slæmar einkunnir ef hann gerði ekki eins og hún sagði
Pressan
Í gær

Lögreglan leitar logandi ljósi að manni sem stal sýniseintaki af „mjög stórum“ gervilim

Lögreglan leitar logandi ljósi að manni sem stal sýniseintaki af „mjög stórum“ gervilim
Pressan
Fyrir 2 dögum

Myndin sem vakti mikla athygli Dana – Af hverju eru einkennisklæddir lögreglumenn með barnavagna?

Myndin sem vakti mikla athygli Dana – Af hverju eru einkennisklæddir lögreglumenn með barnavagna?
Pressan
Fyrir 2 dögum

Dómskjöl vörpuðu ljósi á skelfilega hluti í málinu í síðustu viku – Nú má lögreglan ekkert segja

Dómskjöl vörpuðu ljósi á skelfilega hluti í málinu í síðustu viku – Nú má lögreglan ekkert segja
Pressan
Fyrir 3 dögum

Lík hans fannst fyrir 11 árum – Hver var hann?

Lík hans fannst fyrir 11 árum – Hver var hann?
Pressan
Fyrir 3 dögum
Söguleg þrenna
Pressan
Fyrir 4 dögum

Ghislaine Maxwell telur að Jeffrey Epstein hafi verið myrtur

Ghislaine Maxwell telur að Jeffrey Epstein hafi verið myrtur
Pressan
Fyrir 4 dögum

Skýrir frá hryllingnum í Playboyhöllinni – Fingurnir klipptir af líkinu og tennurnar rifnar úr

Skýrir frá hryllingnum í Playboyhöllinni – Fingurnir klipptir af líkinu og tennurnar rifnar úr