Vladimir Pútín virðist hafa tekið sér hlé frá allri þeirri spennu og valdaplotti, sem á sér stað í Kremlin, með því að teikna krúsidúllur. 

Forsetinn var á tæknisýningu í Moskvu þegar hann greip túss og teiknað broskarl á töflu, upp úr þurru. 

Rithandarsérfræðingurinn Tracey Trussell sagði í samtali við dagblaðið The Sun í dag að teikningin sýndi, svo ekki sé um deilt, að leiðtoginn sé „vænisjúkur, þunglyndur og kvíðinn,“ aðspurð um hvað teikningin afhjúpaði um andlegt ástand Pútins.

„Teiknistíll okkar afhjúpar og snertir undirmeðvitund okkar. Hann veitir bældum hugsunum og tilfinningum útrás,“ segir Tracy. 

„Krot, sem við teljum hugsunarlaust, segir í raun mikið um líðan okkar og gerir okkur kleift að stilla okkur af og draga úr streitu og spennu. Það hjálpar okkur að vinna úr erfiðum tilfinningum. Það er mun meiri dýpt í teikningum eins og þessum en flestir telja og þær hjálpa okkur við að að einbeitingu og hreinsun hugans. Hugurinn fer á flug án meðvitaðrar stjórnunar og okkar innstu hugsanir koma oft fram í því sem við almennt teljum ekki býsna merkilegt. Á við krass eins og Pútín setti á töfluna,“ segir Tracy enn fremur. 

Tracy segir að stóru augun á fígúru Pútíns sýni að hann sé með framtíðarsýn en sé jafnframt varkár, það varkár að það bendi til ákveðinnar ofsóknarkenndar. Þetta sé mynd manns sem engum treysti. 

Hún segir að augabrúnirnar séu einkennandi merki valda, og löngunar til að halda í þau völd. Og þrótt að brosið eigi að sýna fram á ákveðin húmor og gleði manns sem aldrei ætlar að gefast upp, sé dekkri hlið á annars vinalegu brosinu. Segir Tracy að Pútín geti ekki falið þrjósku sína, óþolinmæði og taugaveiklun, þrátt fyrir heiðarlega tilraun til að teikna vinalegt andlit. 

„Krúsidúllulegar bylgjurnar í andliti sýna að Pútín er snöggur að hugsa og getur lesið í allar aðstæður á augabragði,“ bætir Tracy við. 

„En spennan fer ekki framhjá neinum sem hefur kynnt sér þessi fræði að ráði og mér sýnist á öllu að Pútín sé hugsanlega að missa tökin á tilfinningum sínum. 

Þetta stórt andlit sýnir samt sem áður mikla þráhyggju fyrir eigin getu og hreina og klára athyglissýki.“ 

Tracy segir enn fremur að val Pútíns á rauðum penna, í stað svarts sem einnig var í boði, sýni að Pútín sé ákveðinn, áhættusækinn, óþolinmóður og fljótfær. 

Myndin hefur farið sem eldur í sinu um samfélagsmiðla og eru margir á því að hún líkist einna helst Svampi Sveinssyni eða sé arfaslök sjálfsmynd. 

„Ég gef nú ekki mikið fyrir þessi fræði,“ skrifaði einn í athugasemdakerfi, „en svo mikið er ljóst að Pútín er enginn Picasso og ætti að sleppa öllum tilraunum til listsköpunar í framtíðinni.