Hljóðreiðamaður og veiðimaður í þýskalandi heyrðu hjálparköll berast úr skógi nokkrum. Þar fundu þeir 51 árs mann sem var bundinn við tré.

Á daginn kom að maðurinn hafði kynnst konu á netinu. Þau hafi ákveðið að hittast úti í náttúrunni og leika saman kynlífsleik. Ekki fór það betur en svo að eftir að konan hafði bundið manninn við tré og komið fyrir sokkabuxum á höfði hans fékk hún símtal og hljóp í kjölfarið burt og skildi manninn bjargarlausan eftir.

Frá þessu greindi lögreglan í Þýskalandi á föstudaginn, en AP fréttastofan greinir frá.

Í yfirlýsingu sagði að maðurinn hafi verið fullklæddur en rækilega bundinn við tré við pall sem notaður er af hreindýraskyttum.

„51 árs maðurinn sagði lögreglumönnum að hann væri með vasahníf á sér til að nota í „svona tilvikum“ en virðist þó hafa vanmetið bindingarhæfileika konunnar því hann náði ekki að sækja hnífinn.“

Manninum varð ekki meint af þessu ævintýri en sagði lögreglu þó deili á konunni og mun hún nú vera grunuð um að hafa brugðist því að veita aðstoð í neyð og jafnvel um frelsissviptingu.