Svipuð staða var uppi í Bandaríkjunum en bara varðandi svissneska ostinn „gruyére“. En nýlega komst bandarískur dómstóll að þeirri niðurstöðu að orðið „gruyére“ sé almennt orð yfir ost og því ekki eingöngu hægt að binda notkun þess við osta sem eru framleiddir í Frakklandi og Sviss. The Guardian skýrir frá þessu og segir að samkvæmt því sem komi fram í dómnum þá hafi ostur, óháð framleiðslulandi, verið merktur og seldur sem gruyére í Bandaríkjunum áratugum saman.
Gruyére-osturinn er nefndur eftir svissneska bænum þar sem hann hefur verið framleiddur öldum saman. Helsta einkenni hans er að það eru engin göt á honum.
Það voru svissnesku samtökin Interprofession du Gruyére og samsvarandi samtök í Frakklandi, sem höfðu farið fram á að Gruyére yrði skráð í bandarísku vörumerkjaskrána. Markmiðið með þessu var að vernda orðið þannig að ekki væri hægt að nota þetta heiti á ost sem er framleiddur utan Frakklands eða Sviss.
Bandaríska vörumerkjaskráin neitaði að verða við þessu og því fóru samtökin með málið fyrir dóm í ársbyrjun 2022. Hann hefur nú staðfest neitun vörumerkjaskrárinnar.