Vladimir Putin hefur í gegnum árin gert sitt ítrasta til að halda einkalífi sínu frá sviðsljósi fjölmiðlanna þótt það hafi gengið upp og ofan.
Eiginkonan og dæturnar tvær
Hann kvæntist Lyudmilu Aleksandrovna Ocheretnaya árið 1983 og eiga þau saman tvær dætur, Maria, fædda 1985 og Katerina, fædda 1986. Ekki er mikið vitað um dæturnar en Maria er áhrifamikil í viðskiptum, ekki síst fyrirtækjum á sviði heilsugæslu og lyfjaframleiðslu.
Katerina er dansari sem hefur keppt í rokkdönsum á alþjóðavettvangi við góðan orðstír. Pútín mun hafa mikla trú á möguleikum yngri dótturinnar í stjórnmálum og telja sumir að Pútín sjái í henni arftaka sinn.
Lyudmila sást sjaldan og lét lítið fyrir sér fara allt þar til hjónin skildu árið 2013.
Pútín hafði þá þegar verið orðaður við Alina Kabaeva, sem hann mun eiga þrjú börn með og ef til vill fleiri en þau hafa aldrei gifst svo vitað sé.
Fimleikadrottningin
Alina er fædd 1983, sama ár og Pútín kvæntist Lyudmilu og því skilja rúmir þrír áratugir hjúin að.
Fjölskylda hennar er frá Úsbekistan og er faðir hennar nokkuð þekktur knattspyrnumaður. Hún byrjaði að æfa fimleika þriggja ára gömul.
Hún var aðeins barn að aldrei þegar hún var farin að raða að sér verðlaunum á mótum víða um heim og mun hafa verið 10-12 ára þegar að móðir hennar, Irina, flutti með hana til Moskvu til að æfa undir stjórn bestu fimleikaþjálfara landsins, meðal annars landsliðsþjálfara Rússlands.
Hún varð Evrópumeistari 15 ára gömul, yngst allra í liði Rússlands, og var það það upphafið að glæsilegum ferli.
Fáar fimleikakonur geta státað sig af sama árangri og Alina sem meðal annars hefur tvisvar sinnum verið á verðlaunapalli á Ólympíuleikum, hefur 14 sinnum komist á verðlaunapall á heimsmeistaramótum og 21 sinni á Evrópumótum.
Stjórnmálaferillinn
Ferill hennar var þó ekki alveg flekklaus og mældist í henni ólöglega efnið Furosemide á móti í Ástralíu árið 2001.
Hún hefur alltaf neitað að hafa neitt ólöglegra efna og sagði að um mistök í apóteki hefði verið að ræða en engu að síður var hún sett í tímabundið keppnisbann og varð að skila verðlaunagrip sínum frá heimsmeistaramótinu í Madrid vegna málsins.
Alina fékk eina æðstu orðu Rússlands fyrir afrek sín árið 2005 og var það enginn annar en Pútín sem nældi á hana orðuna.
Hún kvaddi fimleikaferil sinn árið 2008 og sneri sér að stjórnmálum með góðum árangri og var meðal annars kosin á þing auk þess að hlotnast fjölda eftirsóttra embætta innan rússneska stjórnkerfisins. Sem margir vilja meina að hafi gengið hraðar fyrir sig en eðlilegt megi teljast.
Snemma fór af stað orðrómur um að Pútin sýndi ungu konunni sérstaka athygli, þótt hann væri tæknilega enn kvæntur Lyudmilu, en þau höfðu þá ekki búið saman til fjölda ára. Voru þau Pútín og Alina jafnvel sögð trúlofuð.
Annarra manna erótískar fantasíur
Á blaðamannafundi með þáverandi forseta Ítalíu, Silvio Berlusconi, var Pútín spurður hreint út hvort hann ætti í ástarsambandi við Alinu.
Firrtist Pútín við og sagði að annarra manna erótískar fantasíur kæmu honum ekki við og ætti fólk að hafa vit á að skipta sér ekki af einkamálum fólks sem það þekkti ekki.
En neistinn á milli Pútín og Alina fór ekki framhjá neinum, ekki síst eftir að Pútín valdi hana sérstaklega til að kveikja Ólympíueldinn á vetrarleikunum í Sochi árið 2014.
Bæði Pútin og Alina hafa aldrei gefið neitt uppi um samband sitt en innan veggja Kremlar er pískrað um að Alina hafi mikil áhrif á einvaldinn og sé einn hans helsti ráðgjafi.
Hún hefur viðurkennt samband þeirra og segir Pútín hinn „fullkomna mann.”
Líf í felum – og lúxus
Alina hefur sjaldan gefið færi á viðtölum undanfarin áratug en í júlí 2013 sagðist hún engin börn eiga. Hún eignaðist aftur á móti dóttur á einkasjúkrahúsi í Sviss árið 2015, sem er örugglega dóttir Pútíns, og árið 2019 tvíburasyni, einnig í Sviss og eru því öll börnin svissneskir ríkisborgarar, sem veitir þeim ákveðna alþjóðlega vernd.
Alina býr við lúxus í Sviss og hafa nýlega lekið út myndir af slotinu sem munu hafa gert Pútín ævareiðan og fékk víst fjöldi starfsmanna úr öryggisteymi forsetans reisupassann í kjölfarið.
Alina hefur ekki sést opinberlega í nokkur ár og ekki er vitað að til sé mynd af börnum þeirra né hvað þau heita.