Fundur ævaforns risastórs svarthols, sem myndaðist aðeins 750 milljónum árum eftir Miklahvell, bendir til að það sé hugsanlega aðeins „toppurinn á ísjakanum“ hvað varðar risastór skrímsli sem leynast í alheiminum.

Live Science segir að fundur þessa risastóra svarthols, frá árdögum alheimsins, geti bent til að það séu mörg þúsund fleiri svarthol, af svipaðri stærð,  í alheiminum en stjörnufræðingar vita ekki af hverju.

Umrætt svarthol er um 1 milljarði sinnum massameira en sólin okkar. Það er í miðju COS-87259 vetrarbrautarinnar sem myndaðist aðeins 750 milljónum árum eftir Miklahvell.

Svartholið, sem er enn að stækka, sást éta hluta af aðsópskringlu sinni og spýta afganginum frá sér á hraða sem var nærri ljóshraða. Svartholið virðist vera á sjaldgæfu millistigi þar sem það er enn að stækka.

Þetta gæti verið eitt af mörg þúsund risastórra svarthola sem til eru í elstu hlutum alheimsins að mati vísindamanna sem hafa birt rannsókn sína í Monthly Notices of The Royal Astronomical Society.