„Uppreisnarnunnurnar“, Massimiliana Panza og Angela Maria Punnackal, yfirgáfu Santa Chiara klaustrið eftir að þeim hafði borist bréf frá Frans páfa þar sem hann tilkynnti þeim að hann hefði aflétt „skyldum heilagrar þjónustu“ af herðum þeirra.
The Guardian skýrir frá þessu og segir að síðasta áratuginn hafi aðeins þrjár nunnur búið í klaustrinu. Auk Panza og Punnackal bjó Maria Cristina Fiore, 97 ára, þar en hún hefur búið í klaustrinu síðan 1955.
Þær voru beðnar um að flytja í annað klaustur eftir að Vatíkanið komst að þeirri niðurstöðu að of fáar nunnur væru í klaustrinu til að það væri réttlætanlegt að sinna viðhaldi á því.
Nunnurnar reyndu að ná samningum við Vatíkanið um málið en án árangurs.
Eins og fyrr sagði voru Panza og Punnackal reknar úr klaustrinu og sviptar nunnuklæðunum fyrir að neita að fara að beiðni Vatíkansins um að flytja. Fiore fékk hins vegar leyfi til að dvelja áfram í klaustrinu vegna aldurs og heilsufarsvandamála en hún er rúmliggjandi. Tvær aðrar nunnur eru fluttar inn í klaustrið til að annast hana.
