Zvonimir Stević, þingmaður sósíalistaflokksins í Serbíu, var gripinn glóðvolgur við klámáhorf á þingi.

Hann var að horfa á klámmyndband í símanum sínum á meðan forseti Serbíu, Aleksandar Vučić, ávarpaði þingið.

Þingmenn voru samankomnir til að ræða um samband Serbíu við Kósóvó og tilraunir þeirra til að koma Serbíu inn í Evrópusambandið. En helsta baráttumál Framfaraflokksins, flokkur forsteans, hefur verið Evrópusambandsaðild Serbíu.

Myndband sem sýnir Stević horfa á klámfengið myndband í tæpar tvær mínútur fór á dreifingu um netheima og síðan fóru serbneskir miðlar að fjalla um það. Utanríkisráðherra Serbíu og leiðtogi Sósíalistaflokksins, Ivica Dačić, sagði þetta vera skandal og að Stević ætti að segja af sér.

„Hvar sem þú birtist, hvað sem þú segir þá verðuru alltaf þekktur sem þingmaður kláms,“ sagði Dačić

Flokksmenn Zvonimir Stević voru einnig síður en svo sáttir með hann.

Stević sagði að hann vilji það sem best er fyrir flokkinn sinn og sagði hann af sér.

Serbian MP Zvonimir Stevic, an anti-Kosovo chauvinist, caught watching porn during the Serbian parliament session on Kosovo.

He was the chair of Serbian Parliament’s „Comittee for Kosovo“ and fraudulently listed Prishtina, Kosovo as his place of residence. pic.twitter.com/bXTiFhFsbK

— Admirim (@admirim) February 7, 2023