En í hvert sinn sem Alexis kom til starfa byrjaði Killian að urra og síðar kom í ljós að það var ekki að ástæðulausu. Í umfjöllun WCSC-TV, sem er frá 2013, kemur fram að eftir nokkurn tíma hafi foreldrana farið að gruna að ekki væri allt með felldu og átti hegðun Killian þar stóran hlut að máli. Hann urraði alltaf að Alexis og sýndi af sér árásargjarna hegðun.
„Um fimm mánuðum eftir að við réðum hana tókum við eftir að hundurinn verndaði son okkar mjög mikið þegar hún kom heim til okkar,“ sagði Benjamin og bætti við að það hafi meira að segja þurft að halda Killian frá Alexis nokkrum sinnum til að hann réðist ekki á hana.
Þessi undarlega hegðun Killian gerði foreldrana taugaóstyrka og því ákvað Hope að setja farsíma undir sófann og taka upp hvað gerðist í húsinu þegar þau væru í vinnu og Alexis væri með son þeirra, Finn.
Þá kom skelfilegur sannleikurinn í ljós. Á upptökunum heyrðist að Alexis sló Finn og öskraði á hann. „Þetta byrjaði með gráti og síðan heyrðum við smell og grátur hans breyttist úr ótta í sársauka. Mig langaði bara að teygja mig til hans í gegnum upptökuna, fara aftur í tímann og taka hann í fangið,“ sagði Benjamin.
Hope og Benjamin höfðu samband við lögregluna og Alexis var handtekin.
Hún viðurkenndi að hafa misþyrmt Finn og var dæmdi í eins árs fangelsi.
