Í sögu sem sögð er mjög lýsandi fyrir stöðu mála í hlutum Bandaríkjanna var blaðakonu tilkynnt að pilsið hennar væri of stutt og færi gegn reglum þar sem hún sótti aftöku í síðustu viku. Önnur blaðakona sagðist hafa þurft að sæta líkamsleit til að tryggja að hún væri örugglega sæmilega klædd til að verða vitni að aftöku. Þessu greinir Guardian frá.

„Ég skrifaði fyrst um aftöku árið 2002, og hef fjallað um margar síðan þá. Þetta var í fyrsta sinn þar sem ég var látin bíða í fjölmiðlaherberginu á meðan gáð er að lengd og sniði fatanna minna,“ sagði blaðakonan Kim Chandler hjá AP í tísti. Hún sagðist hafa spurt fjölmiðlafulltrúa fangelsisins út í þessar reglur og var henni þá sagt að það væru klæðaburðareglur á aftökum. Hins vegar var henni gefið skjal varðandi fangelsisheimsóknir þannig að henni var loks hleypt inn.

Hin blaðakonan Ivana Hrynkiw hjá AL.com tísti um að hún hafi verið klædd pilsi sem hún hefur klæðst áður á aftökum, í vinnuna og á aðra fagviðburði án vandamáls. Henni var loks hleypt inn eftir að hún fékk vaðbuxur og strigaskó lánað vegna þess að hælaskórnir hennar þóttu ekki sæmilegir.