Aðalritari Sameinuðu þjóðanna Antonio Guterres varaði heiminn við því að „mannkynið er bara einum misskilningi, einum misreikningi frá gjöreyðingu af völdum kjarnorkuvopna,“ á mánudaginn. Á þessum nótum hófst fundur embættismanna varðandi endurskoðun Samnings um að dreifa ekki kjarnavopnum sem er alþjóðlegur samningur um að aftra dreifingu kjarnorkuvopna og vopnatækni og að stuðla að notkun kjarnorku á friðsælan hátt. Samningurinn var undirritaður árið 1970. Þessu greindi AP frá.
Hann tók sérstaklega fram stríðið í Ukraínu og ógnina sem stafar af kjarnorkuvopnum í deilum í Miðausturlöndum. Guterres sagði ráðherrum, embættismönnum og diplómötum að fundurinn ætti sér stað á „mikilvægum tímamótum hvað varðar frið og öryggi heimsins,“ og að heiminum hafi ekki stafað slík hætta af kjarnorkuvopnum síðan á hápunkti kalda stríðsins.
„Fundurinn er tækifæri til að koma okkur saman um ráðstafanir sem munu hjálpa okkur að forðast hamfarir, auk þess að beina mannkyninu á braut til heims án kjarnorkuvopna,“ sagði Guterres. Hann skoraði á fundarmenn að ganga til verka og eyða kjarnorkubúrum heimsins, að glíma við suðupottsástandið í Miðausturlöndum og Asíu og að efla friðsamlega notkun kjarnorku.