Þriggja karlmanna er saknað í Kaliforníu í Bandaríkjunum en mennirnir sem um ræðir hoppuðu út í á til að bjarga 8 ára barni frá drukknun. Talið er að mennirnir séu látnir.
Vitni segja að mennirnir þrír hafi verið saman að veiða við árbakkann ásamt veimur öðrum mönnum síðastliðinn sunnudag þegar þeir sáu 8 ára barn í ánni. Þeir hoppuðu allir í ánna til að bjarga barninu en aðeins tveir þeirra snéru aftur með barnið sem reyndist heilt á húfi.
Aðstæður voru erfiðar þegar mennirnir hoppuðu í ánna, bæði vindur og öldur gerðu það að verkum að vatnið var hættulegt þennan daginn. Enginn af mönnunum var í björgunarvesti.
Samkvæmt San Francisco Chronicle var tilkynnt að karlmannanna væri saknað um klukkan 13:30 á sunnudaginn. Leitað var að þeim í tvo tíma án árangurs, þá var áherslum breytt og gert ráð fyrir því að þeir væru látnir. Haldið var áfram að leita að líkum mannanna en án árangurs.
Mennirnir þrír sem um ræðir heita Guistillo Rivas, Edwin Perez, og Danilo Solorzano en þeir eru allir frá borginni Oakland í Kaliforníu. Þeir höfðu komið að ánni á sunnudaginn til að tjalda, synda og veiða. „Þrír menn, vinir mínir… við komum alltaf hingað,“ segir Juan Cabrera, einn af mönnunum tveim sem komst aftur upp á land, í samtali við KCRA. „Þetta gerðist svo hratt“