Stóllinn er ekki notaður til að láta nemendur sitja í þegar þeir þurfa að taka sér smá pásu eða fyrir þá sem koma til að fylgjast með kennslunni og nemendunum. Stólinn er táknrænn. Hann er áminning fyrir Gill og áminning fyrir nemendurna.
„Ég kenni árlega um mannréttindahreyfinguna. Ég vildi tengja smá sögu við það til að þau skilji betur hvað þetta þýðir fyrir mig,“ sagði hann í samtali við TODAY Parents.
Hann sagði að þegar hann var níu ára hafi hann farið með besta vini sínu, Archie, í afmælisveislu í fjölbýlishúsinu sem Gill bjó í. Móðir afmælisbarnsins opnaði en þegar hún sá Archie sagði hún að ekki væru fleiri stólar. Gill sagði þetta hafa ruglað sig í ríminu en hann hafi síðan boðist til að sitja á gólfinu eða sækja fleiri stóla. En móðirin svaraði bara að það væru ekki fleiri stólar. Að lokum áttaði Gill sig á að Archie var ekki velkominn því hann var svartur. Drengirnir yfirgáfu staðinn, báðir grátandi.
Þessu hefur Gill aldrei gleymt, man þetta eins og þetta hafi gerst í gær. „Archie var neitað um þátttöku í afmælisveislunni vegna fordóma konunnar,“ sagði hann.
Hann sagðist ekki hafa vitað það á þessum tíma en þessi atburður hafi endað með að „gera hann að því sem hann er í dag“.