Konan, sem er nefnd NA, kynntist maka sínum í gegnum stefnumótaapp í maí 2021. Makinn, sem er nefndur AA, sagðist vera bandarískur og hefði nýlega snúist til íslamskrar trúar og væri að leita sér að konu. The Sun skýrir frá þessu.
Þremur mánuðum eftir að þau kynntust ákváðu þau að ganga í hjónaband samkvæmt svokölluðu nikah siri-fyrirkomulagi. Í því felst að brúðkaupið er leynilegt en yfirvöld viðurkenna ekki hjónabönd af þessu tagi.
Ástæðan fyrir að þau völdu þetta fyrirkomulag var að brúðguminn gat ekki framvísað nauðsynlegum skjölum.
Eftir brúðkaupið bjuggu þau heima hjá foreldrum brúðarinnar sem voru hissa á að AA bað þau um peninga og var ekki með nein skilríki.
Þetta fór í taugarnar á nýgiftu hjónunum og því ákváðu því að flytja til Súmötru til að sleppa við athugasemdir foreldranna.
En þegar til Súmötru var komið hófust hremmingar konunnar fyrst af alvöru. AA læsti hana inni og hún mátti ekki tala við neinn annan. AA stýrði einnig fjármálum þeirra.
Eftir að fjölskylda konunnar hafði ekki heyrt frá henni í langan tíma hafði hún samband við lögregluna sem fór og fann NA á heimili hjónanna.
Þá komst stærsta lygin upp. AA reyndist vera kona, ekki karl. Þegar þetta komst í hámæli spurðu margir hvernig stæði á því að NA hafi ekki uppgötvað þetta þegar kom að kynlífi. Svarið var að henni var alltaf skipað að vera með bindi fyrir augunum þegar kom að kynlífi og ljósið var slökkt.