En nágrannar Lydia Barker og Billy Brown, sem búa í Bretlandi, glíma við svolítið öðruvísi hávaða frá þeim ef marka má kvörtun sem leigufélaginu, sem þau leigja hjá, barst.
Ladbible segir að leigufélaginu hafi borist kvörtun frá nágranna þeirra um að það heyrist mjög mikið í þeim þegar þau stunda kynlíf. „Það heyrist hærra í þeim en sláttuvél,“ segir að sögn í kvörtuninni.
Lydia, sem er 31 árs, segir að hún hefði kosið að nágrannarnir hefðu rætt við sig í staðinn fyrir að kvarta við leigufélagið.
Í bréfinu segir að nágrannarnir heyri vel þegar þau stunda kynlíf og að þeim finnist þetta svo viðkvæmt mál að þeir hafi ekki treyst sér til að kvarta beint við þau.
Í bréfinu er Lydia beðin um að taka á málinu og draga úr hávaðanum „þegar hún stundar kynlíf“.
Parinu er einnig gerð grein fyrir að leigufélagið muni fylgjast með málinu og ef því finnist ekki að árangur náist í að draga úr hávaðanum muni það hafa samband við þau og veita þeim ráð um hvernig sé hægt að leysa málið.
Lydia segir að þetta sé í fyrsta sinn sem kvartað sé undan hávaða vegna kynlífsiðkunar þeirra. Hún segir að þau stundi mikið kynlíf, „að morgni, um miðjan dag og að næturlagi“ en hún sé ekki hávær þegar hún stundar kynlíf.