Innrás Rússa í Úkraínu og stuðningur Vesturlanda við Úkraínumenn hefur aukið spennuna á milli kjarnorkuveldanna níu að mati Stockholm International Peace Research Institute (Sipri) hugveitunnar.
Kjarnorkuvopnum fækkaði örlítið á milli janúar 2021 og janúar 2022 að sögn Sipri sem segir að ef ekki verði gripið strax til aðgerða af hálfu kjarnorkuveldanna geti kjarnorkuvopnum fjölgað í fyrsta sinn áratugum saman.
Sipri segir að öll kjarnorkuveldin séu nú að bæta við sig vopnum eða uppfæra vopnabúr sín og brýna orðræðu sína og hlutverk kjarnorkuvopna í hernaðartaktík sinni. Segir Wilfred Wan, forstjóri gjöreyðingavopnadeildar Sipri, að þetta sé mjög mikið áhyggjuefni.