Það voru vísindamenn við háskólann í borginni sem gerðu rannsóknina að sögn CNN. Þeir komust að því að tæplega 200 prestar hafi framið um 6.000 kynferðisbrot á fyrrgreindu tímabili. Rannsakendurnir telja hins vegar að fjöldi fórnarlambanna sé miklu meiri og þau geti verið allt að 5.000 til 6.000.
Þetta kom fram á fréttamannafundi í gær.
Felix Glenn, biskup í borginni, fékk niðurstöðurnar í hendur í gær og sagðist ætla að senda yfirlýsingu frá sér á föstudaginn. Hann tók við embætti biskups í borginni 2008.
Natalie Powroznik, sagnfræðingur sem vann að rannsókninni, sagði að prestarnir hafi að meðaltali brotið tvisvar sinnum gegn börnum í viku hverri en sagðist telja að þessi tala geti verið mun hærri. Hún sagði að þrír fjórðu hlutar fórnarlambanna hafi verið drengir á aldrinum 10 til 14 ára.
Fórnarlömbin gegndu öll einhverjum hlutverkum innan hennar, til dæmis altarisdrengir eða tóku þátt í sumarstarfi hennar.
Skýrsluhöfundar segja að biskupar borgarinnar hafi vitað af níðingsverkunum áratugum saman en hafi ekkert aðhafst og því hafi prestarnir getað haldið níðingsverkunum áfram. Um 50 af þessum prestum eru enn á lífi.
