fbpx
Þriðjudagur 05.júlí 2022
Pressan

Úkraínskt myndband slær í gegn– Fær fyrsta dansinn eftir fótamissi

Kristján Kristjánsson
Miðvikudaginn 4. maí 2022 06:57

Nýgiftu hjónin taka fyrsta dansinn. Skjáskot/YouTube

Ekki missa af Helstu tíðindum dagsins í pósthólfið þitt

Lesa nánar

Myndbandið, sem er hægt að horfa á hér fyrir neðan, hefur farið sigurför um netheima síðustu klukkustundir. Það er svo sannarlega hjartnæmt því í því sést úkraínski hjúkrunarfræðingurinn Oksana Balandina fá fyrsta dansinn, brúðkaupsdansinn, með eiginmanni sínum, Viktor Vasyliv, eftir að hún missti báða fætur í stríðinu í Úkraínu.

Oksana birti upptökuna á samfélagsmiðlum en hún dvelur nú á sjúkrahúsi í Lviv að sögn The Guardian.

Á upptökunni sést Viktor lyfta henni upp og halda á henni á meðan hann dansar með hana á milli sjúkrarúma.

Hvorugt þeirra átti von á að geta gert þetta eftir að Oksana steig á jarðsprengju í lok mars. Þá voru hún og Viktor á leið heim til sín í bæinn Lysytsjansk í austurhluta Luhansk.

„Ég náði bara að öskra á hann: „Elskan, gættu þín!“ sagði Oskana í samtali við Reuters í gær um þetta örlagaríka augnablik.

„Hann horfði á mig þegar sprengjan sprakk. Ég datt niður og lá með höfuðið á jörðinni. Það var gríðarlegur hávaði í höfði mér. Síðan sneri ég mér við og fór að rífa fötin utan af mér,“ sagði hún.

Viktor var fyrir aftan hana þegar sprengjan sprakk og slapp hann ómeiddur.

„Þegar þetta gerðist missti ég alla von. Ég vissi ekki hvað ég átti að gera. Hún hreyfðist ekki. Ef ekki væri fyrir Oksana þá veit ég ekki hvað hefði getað gerst. Hún er svo sterk. Það leið ekki einu sinni yfir hana. Það var Oksana sem ákvað hvað við skyldum gera,“ sagði hann einnig.

Nýgiftu hjónin taka fyrsta dansinn. Skjáskot/YouTube

 

 

 

 

 

 

Hin nýgifta Oksana hefur fengið meðferð á ýmsum sjúkrahúsum í Úkraínu síðan þetta gerðist. Fljótlega var ljóst að hún myndi missa báða fætur og fjóra fingur á vinstri höndinni.

Hún segist hafa hrapað langt niður andlega og hafi átt mjög erfitt: „Ég vildi ekki lifa. Ég vildi ekki lifa svona. Ég á tvö börn. Ég vildi ekki að þau sæju mig svona. Ég vildi ekki vera byrði fyrir fjölskyldu mína. En þökk sé þeim stuðningi sem ég hef fengið, þá hef ég sætt mig við þetta. Ég neyðist til að halda áfram að lifa. Þetta er ekki heimsendir. Ef guð lét mig lifa, þá eru það örlög mín.“

Sjö ára sonur hennar og fimm ára dóttir eru hjá afa sínum og ömmu á öruggum stað í Úkraínu.

Oksana á sér nú þann draum heitastan að komast til Þýskalands með Viktori og börnunum til að fá gervifætur og halda áfram í endurhæfingu.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

Pressan
Fyrir 1 viku

Karl Bretaprins þáði hundruðir milljóna frá katörskum sjeik

Karl Bretaprins þáði hundruðir milljóna frá katörskum sjeik
Pressan
Fyrir 1 viku

Blekkti eiginkonuna upp úr skónum

Blekkti eiginkonuna upp úr skónum
Pressan
Fyrir 1 viku

Skyndikynni geta kostað allt að sjö ára fangelsi

Skyndikynni geta kostað allt að sjö ára fangelsi
Pressan
Fyrir 1 viku

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár

Kennari afhjúpar ástæðuna fyrir því að hann hefur verið með auðan stól í kennslustofunni í 50 ár
Pressan
Fyrir 1 viku

Ef þú getur ekki gert þetta í 10 sekúndur er útlitið svart

Ef þú getur ekki gert þetta í 10 sekúndur er útlitið svart
Pressan
Fyrir 1 viku

Biden ætlar að þrengja að tóbaksframleiðendum – Minna nikótín í vörunum

Biden ætlar að þrengja að tóbaksframleiðendum – Minna nikótín í vörunum
Pressan
Fyrir 1 viku

Þetta verður um auðæfi Bill Gates að honum látnum

Þetta verður um auðæfi Bill Gates að honum látnum
Pressan
Fyrir 1 viku

Telja að bólusetningar gegn kórónuveirunni hafi bjargað 20 milljónum mannslífa

Telja að bólusetningar gegn kórónuveirunni hafi bjargað 20 milljónum mannslífa