Fjölskyldan birti myndir af kettinum á Facebook og sýna þær að hún tók köttinn með sér í ferðalag um Ástralíu, þar á meðal til Fraser Island. Málið er að það má ekki taka gæludýr með sér til eyjunnar sem er undan austurströnd landsins.
Ástæðan er að heimilisdýr geta borið með sér sjúkdóma sem geta borist í þau villtu dýr sem lifa á eyjunni. Yfirvöld vilja sérstaklega vernda villta hunda sem lifa á eyjunni.
Yfirvöldum bárust ábendingar frá almenningi eftir að fjölskyldan birti myndirnar á Facebook og er nú verið að rannsaka málið. Fjölskyldan hefur ekki enn fundist. Segja yfirvöld að fjölskyldan, og kötturinn, hafi greinilega farið víða því þau fóru einnig til Bribie Island en þangað má heldur ekki fara með gæludýr.