Hann setti upp eftirlitskerfi við hús sitt og stillti það þannig að það sendi honum skilaboð í farsíma hans í hvert sinn sem myndavélar nánum hreyfingu í innkeyrslunni hans. Í fyrstu var fátítt að skilaboð bærust frá kerfinu en eftir því sem það teygðist á verunni heima við fóru skilaboð að berast á næstum hverju kvöldi.
Þetta pirraði hann svolítið og að lokum ákvað hann að skoða upptökur úr eftirlitsmyndavélum til að sjá hvað var á seyði í innkeyrslunni á kvöldin. Hann sá að lítill drengur hjólaði aðeins inn í innkeyrsluna í hvert sinn sem hann fór fram hjá húsinu þegar hann fór í kvöldgöngu með foreldrum sínum þegar þau viðruðu hundinn.
„Í fyrstu var ég pirraður yfir að fá skilaboð á hverju kvöldi en svo fékk ég hugmynd frá konunni minni sem sagði að ég gæti gert eitthvað skemmtilegt úr þessu,“ segir hann.
Og hvað gerði hann svo? Jú, hann teiknaði stutta braut í innkeyrsluna sem drengurinn gat hjólað eftir. Hann fór út á hverjum degi og teiknaði brautina upp og breytti henni aðeins í hvert sinn. Þannig hafði litli drengurinn eitthvað að hlakka til og maðurinn gat slegið aðeins á eirðarleysið.